وبعد ساعات من التحقيق، انقفل الباب الصاج المصدّي عليا وعلى المساجين، ولقيت نفسي قاعد في زاوية ضيقة على الأرض الباردة، وسط ريحة المكان والظلــ,,ـــــمة. قعدت أحــ,,ـــــضن رجلي لصدـ,,ـــري وأبكي بحــ,,ـــــرقة.. دموع ندم ملهوش أي قيمة دلوقتي. وفي وسط الظلــ,,ـــــمة دي، سمعت صوت العسكري ينادي من وراء القضبان بصوت عالي: “المتهم فلان.. اطلع، في زيارة مستنياك برة!” رفعت رأسي بذهول.. مين ممكن يجيلي في وقت زي ده؟ أمي اللي حيلتها مكسورة؟ ولا المحامي؟
ولا في صدمة جديدة مستناني برة؟قمت من على الأرض الباردة بالعافية، رجليا كانت بتخبط في بعضها. مشيت ورا العسكري وأنا عقلي بينبض بالأسئلة.. مين اللي ممكن يفتكرني أو يجيلي في القاع ده؟طلعت لغرفة الزيارات الضيقة. وقفت ورا السلك المشبك الضيق، ولما عيني وقعت على اللي واقفة الناحية الثانية، حسيت بضــ,,ـــــربة في قلبي طيرت النفس من صدـ,,ـــري.
كانت هي.. مراتي!كانت واقفة بكل أناقتها، لابسة أسود، حاطة إيد في جيب جاكيتتها، وإيدها الثانية ماسكة نظارتها. ملامحها كانت هادية جداً، مفيش فيها أي أثر للغضب ولا حتى الانتقام.. كان في عيونها شيء أصعب بكثير: نظرة “لا مبالاة”. نظرة كأنها بتبص لشيء ملوش أي قيمة ولا يعنيلها أي حاجة في الدنيا. مسكت السلك بإيديا الاثنين وناديت بصوت مخنوق ودموعي نازلة مغرقة وشي: “أنتِ؟
جيتي ليه يا بنت الناس؟ جيتي تشمتي فيا؟ جيتي تشوفيني وأنا في السجــ,,ـــــن بعد ما أخدتي كل حاجة ودمرتيني؟ ” قربت خطوات من السلك، وبصت لإيديا المتكلبشة بنظرة باردة وقالت بصوت هادي: “أنا ما أخدتش حاجة مش بتاعتي.. أنا أخدت حقي وحق كرامتي اللي حاولت تدوس عليها، وحق تعب السنين اللي ضيعته وأنت قاعد تتفرج عليا وتخطط إزاي تظلــ,,ـــــمني عشان تتجوز غيري.” سكتت لحظة، ونزلت نظارتها على عيونها وقالت: “أنا مش جاية أعدل عليك ولا أشمت.
. الشماتة دي للصغار، وأنا أكبر بكثير من إني أضيع دقيقة من عمري أشمات في شخص دمر نفسه بنفسه. أنا جاية أرفع عنك الحرج وأحط النقط على الحروف.” طلعت من شنطتها ورقة وقلم ورصتهم على الطاولة الفاصلة بيننا: “دي تنازلات رسمية.. إقرار منك بإبرائي من كل مستحقاتك، وتنازل عن أي دعاوى أو بلاغات ممكن تفكر ترفعها، وموافقات كتابية على الطلاق والإبراء التام. توقع هنا.. ودلوقتي.” صرخت بصوت مكتوم: “أتوقع؟
! أتوقع على إيه؟ أنتِ حبستيني، وبعتي بيتي، وفضحتيني قدام الجيران، وضيّعتي تحويشة عمري، ورميتِ أمي وإخواتي في الشارع! عايزاني أوقع على تنازل عن بقية حياتي؟ أومال هطلع إزاي؟ هعيش إزاي؟!” ابتسمت ابتسامة هادئة وسحبت الأوراق خطوة لوراء: “تطلع؟ مين قال إنك هتطلع لو ما وقّعتش؟ الشيكات وقائمة المنقولات اللي رفعتهم كفيلين يلبسوك أحكام طويلة. سنين من عمرك هتقضيها هنا، وفي الآخر برضه هطلق منك بالقانون وساعتها مش هتنول مليم ولا هتطال حريتك.
” كملت بصوت قاسي هز جدران الأوضة: “لكن لو وقّعت.. أنا هتنازل عن القضايا الجنائية والشيكات، وهسيبك تطلع بشرفك المتبقي وبدومك اللي في الشنطة. تطلع تبدأ من الصفر، تدوب تلاقي لقمة تأكلها وتدور على حيطة تداري فيها أمك. الاختيار ليك..” بصيت للورق، وبعدين بصيت للحديد اللي في إيدي. سحبت القلم بإيد بترتعش، والدموع بتنزل على الورق، ووقّعت. . اسمي اتكتب تحت كل بند بيمحي وجودي وبيثبت انتصارها الكامل عليا.
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.